Kening Kees

Yn 1998 die de dichter Cornelis van der Wal in bommelding, út protest tsjin it fieren fan Fryslân 500. It provinsjaal bestjoer woe doe feestlik betinke dat yn 1498 in bûtenlânske besetter de macht oernaam en Fryslân sa syn frijheid kwytrekke. De dichter brocht nei oanlieding fan dizze saak in pear nachten yn de sel troch.
Tsien jier nei dato komt Van der Wal mei dizze koarte novelle, dy't him ôfspilet yn in parallelle wrâld, fol mei anakronismen en oare tydsferskowingen. Hy rekkenet op drastyske wize ôf mei syn eartydske, mar ek mei syn hjoeddeiske tsjinstanners.
In skokkend boek: hurd, mar betiden ek hilarysk.